Dawkins's dodo|ඩෝකින්ස්ගෙ ඩෝඩෝ

Richard Dawkins, Evolution, Biology and Religion|පරිණාමය, ජීව විද්‍යාව සහ ආගම

Archive for the ‘Evolution’ Category

දෙවියන් වහන්සේ / අල්ලාහ් ට කොකා පෙන්නන බස්

Posted by dawkinssdodo මත අගෝස්තු 6, 2010

“ප්‍රබෝධමත් සහ සාමකාමී” නිර් ආගමික (Atheist) පණිවිඩය මහාබ්‍රිතාන්‍යයේ බස් රථ දැන්වීම් හරහා ජනතාව අතරට “ගෙන යෑමේ ව්‍යායාමයයි- Atheist Bus Campaign/ නිර් ආගමික බස් ව්‍යාපාරය. මෙය ක්‍රියාවට නැගුනේ බ්‍රිතාන්‍ය ප්‍රහසන ලේඛිකා Ariane Sherine සමඟ බ්‍රිතාන්‍යය මානවවාදී ව්‍යාපාරය (British Humanist Association) සහ රිචඩ් ඩෝකින්ස් ගේ නිල සහයෝගය ඇතුව 2008 ඔක්තෝබර් 21. එහි පලමු ඉලක්කය වුනේ “There’s probably no God. Now stop worrying and enjoy your life/ දෙවියෙක් නැත, දැන් බිය නොවී ජීවිතය සතුටින් විඳින්න” යන පාඨය රැගත් බස් රථ 30ක් ලංඩනය තුල සති හතරක් ධාවනය කිරීමට පවුම් 5500ක මුදලක් රැස්කිරීමයි. මුදල් එකතු වුනේ මහ ජනතාවගේ පරිත්‍යාග වලින්. 2008 ඔක්තෝබර් 24 වන විට පවුම් ලක්ෂයක් මහජනතාව විසින් පරිත්‍යාග කර හමාරයි.


2009 ජනවාරියේ පලමු බස් දැන්වීම් ප්‍රදර්ශනය වුනා. බස් 800ක් පමණ මුලු බ්‍රිතාන්‍යය පුරා ධාවනය වෙනවා මේ දැන්වීම් සමඟ. ඊට අමතරව මේ වගේ දැන්වීම් 1000ක් ලංඩනයේ උමං දුම්රිය ස්තාන වල ප්‍රදර්ශනය කරන්නට සැලසුම් කර තියෙනවා.

වොෂින්ටනයේ මෙවැනිම බස් රථ දැන්වීම් ව්‍යාපාරයක් ඇරඹුනා, බ්‍රිතාන්‍යය ව්‍යාපාරයෙන් ආභාෂය ලබමින්. එහි පාඨය වුනේ “Why believe in a God? Just be good for goodness’ sake ” ඔස්ට්‍රේලියාවේ මීට සමගාමී ව්‍යාපාරයක් ඇති කිරීමට කටයුතු යොදා තිබුනත් මතභේදකාරී කරුණු ප්‍රදර්ශනයට බස් සමාගම් කැමැති වී නැහැ. ඉතාලියේත්, ස්පාඤ්ඤයේත්, ජ’මනියේත්, කැනඩාවේත්, නවසීලන්තයේත්, ස්වීඩනයේත් මීට සමගාමී ව්‍යාපාර ඇරඹුනා.

මේ බස් රථ එකක්වත් කිසිම අනතුරකට ලක් නොවී ධාවනය වූ බවයි කියවෙන්නේ.

මේ වොෂින්ටනයේ දැන්වීම


මේ ඉතාලියේ දැන්වීම


මේ ජ’මනියේ දැන්වීම

දෙවියන්/ අල්ලා පිලිබඳ ජීව විද්‍යාත්මක විග්‍රහය??

Posted in Atheism, Evolution, Freedom of expression, religion, Richard Dawkins | Tagged: , , , , , , , , , , , , , | 8 Comments »

පරිණාමයට සාක්ෂි- ටික්ටාලික් රොසියේ

Posted by dawkinssdodo මත ජූලි 31, 2010


පරිණාමයට විරුද්ධව ගෙන එන එක ජනප්‍රිය තර්කයක් තමයි, අතරමැදි ජීවී කාණ්ඩ එහෙමත් නැත්නම් අන්තර් කාණ්ඩ (intermediate fossil) නියෝජනය කරන ෆොසිල හෝ සත්වයන් දක්නට නොමැති කම. මේවාට සංක්‍රමණික , නැත්නම් සංක්‍රාන්ති ෆොසිල (transitional fossil) කියලත් කියන්න පුලුවන්. පරිණාමය වීමේදී එක් ජීවී කාණ්ඩයකින් තව කාණ්ඩයක් පැන නගින විට, එහෙමත් නැත්නම් අතු බෙදෙන විට මේ ජීවී කාණ්ඩ දෙකට අතරමැදි ලක්ෂන පෙන්වන සත්වයින් සිටිය බවට සාක්ෂි නැත්තේ ඇයි කියන ප්‍රශ්නය. සංක්‍රාන්ති ෆොසිල නැත්තේ ඇයි කියන එක නොදන්න කම නිසා පැන නගින ප්‍රශ්නයක්. සංක්‍රාන්ති ෆොසිල තියෙනව, හැබැයි සුළු ප්‍රමාණයක් පමනයි සොයාගෙන තියෙන්නේ. හැම සංක්‍රාන්ති අවස්තාවක්ම ෆොසිලයක් වෙලා සංරක්ෂිත සාක්ෂියක් බවට පත් වෙන්නෙත් නැහැ. ඒ නිසා තමයි මේවා නැතිවුනු පුරුක් (missing link) කියා හඳුන්වන්නෙත්.


2004 දී නීල් ශූබින් (Neil Shubin)ඇතුලු පර්යේශක පිරිස කැනඩාවේදී කල කැනීම් වලින් මතු වුණා මේකට නොසැලෙන අපූර්ව උත්තරයක්. ඒක අවුරුදු මිලියන 375 ක් පැරණි ෆොසිලයක්. ඩෙවෝනියන් යුගයේ අවසාන කාලයේ සිටි සත්ව කණ්ඩායමක්. මේ ෆොසිලය මාලුන් සහ උභය ජීවීන් අතර අතරමැදි අවස්තාවක් නියෝජනය කරනව.
ටික්ටාලික් රොසියේ (Tiktaalik roseae) නමින් හඳුන් වන මේ සත්ව කාණ්ඩය “මත්ස්‍යපාදිකයන්” (Fishapod) යනුවෙන් මුලින් හැඳින්වුයේත් මේ සතරපාදිකයන් (Tetrapod) සහ මත්ස්‍යයින් (Fish) අතර අතර මැදි අවස්තාවට කදිම උදාහරනයක් නිසායි.

ටික්ටාලික්ගේ වරල් මූලික මැණික් කටු අස්ථි සහ ඇඟිලි වලින් යුක්ත නිසා ඒවා බර දැරීමට පරිණාමය වූ එවා බව පැහැදිලියි. මේ වගේ ලක්ෂනයක් වෙනත් කිසිම මත්ස්‍ය ආකාර ෆොසිලයක තිබූ ලක්ෂනයක් නෙවේ.
ඊට අමතරව මේ මත්ස්‍ය ආකාර සත්වයා – ටික්ටාලික් ට ආදි ආකාර පෙනහලුත් කරමල් වලට අමතරව තිබුන බව කියැවෙනවා. අනිත් මත්ස්‍යයන්ට නොමැති විශේෂම ලක්ෂණය, පැහැදිලි බෙල්ලක් ටික්ටාලික්ට තිබීමයි.

වැඩිදුර විස්තර සඳහා කියවන්න-
http://en.wikipedia.org/wiki/Tiktaalik
http://en.wikipedia.org/wiki/Transitional_fossil

නීල් ශූබින්ගේ කතාව බලන්න-

දෙවියන්/ අල්ලා පිලිබඳ ජීව විද්‍යාත්මක විග්‍රහය??

Posted in Evolution, Fossil evidence, Richard Dawkins, Transitional fossil | Tagged: , , , , , , , , , | 17 Comments »

ගෝඩ් මීමය හෙවත් දෙවියන් වහන්සේ \ අල්ලාහ් විස්තර කිරීම

Posted by dawkinssdodo මත ජූලි 30, 2010



මීම් (Meme)  යනු ඩෝකින්ස් හැදු වචනයක්, ඔහුගේ  Selfish Gene කෘතියෙදී පලමු වරට මුද්‍රනය වුනු. මීම් (Meme) යනු ජීන් (Gene)  හා සමගාමී වීමට තැනූවක්. වචනය හැදුනේ ඉංග්‍රීසි -Imitation- අනුකරනය සහ ග්‍රීක මූලය වන -Mimeme- යන්නෙන්. ජානයකට ප්‍රතිවලිතවෙමින් (Replicate-දෙගුන වෙමින් මුල් ජානය ආකාරයේ ම අනු පිටපතක් නිර්මාණය )  ඊලඟ පරම්පරාවට ගමන් කරන්නට පුලුවන් බව අප හැම දන්නවා. එසේ ප්‍රතිවලිත වීමෙදී DNA අනුව විකෘති වීම නිසා තමයි නව එහෙත් සුලුවෙනස් කම් ඇතිවන්නෙ. මෙලෙස ජානයක් නොනැසී එක් පරම්පරාවකින් තව පරම්පරාවකට යනවා, සමහර විට වෙනස්කම් නිසා නව වඩා හොඳ ලක්ෂන (ඒ අවස්තාවේ පරිසරයට සාපේක්ශව ) ලැබෙනවා. නරක ලක්ෂනයක් (ආයිත් ඒ අවස්තාවේ බාහිර පරිසරය තමයි පෙරහනය!) නම් ප්‍රතික්ශේප වෙනවා. ඩෝකින් මේ ජානයක් වරණය වීම හා නැවත ප්‍රතිවලිත, හෝ ප්‍රගුනණය වීමට ඇති හැකියාව තමයි සුවිෂේශීම ලක්ෂනය විදියට දැක්කෙ.

මේ විශ්වයේ කොතැනක ජීවය තිබුනත් ඒ සඳහා අවශ්‍ය වන මූලිකම ලක්ෂනය නම් ප්‍රතිවලිත විය හැකි ඒකකයක් තිබීමයි. ජානය හෝ DNA අණුව තමයි අපේ ලෝකය සම්බන්දයෙන් මේ ප්‍රතිවලිත විය හැකි අණුව.

තවත් මේ විදියට ප්‍රතිවලිත විය හැකි ප්‍රතිගුනකයන් වර්ගයක් අපේ ඇස් ඉදිරිපිටම සිටින බව ඩෝකින්ස් නිරීක්ෂනය කලා. ඒ අන් කිසිවක් නොව මිනිස් සංස්කෘතිය තුල නිපදවෙන සංගීත කන්ඩ, විලාසිතා, අදහස්. එසේත් නැතිනම් මල්පෝච්චි වල හෝ ගොඩනැගිලි ආරුක්කු වල හැඩය.  මිනිස් සංස්කෘතිය තුල බිහිවෙන මේ නව ප්‍රතිගුණකය සංස්කෘතික දැනුම සම්ප්‍රේශනය කරන ඒකකයක්. අනුකාරකයක්. ඒ අනුකාරකය , නව ප්‍රති ගුනකය තමා මීමය (MEME).

ජානයක් ශුක්‍රානු සහ ඩිම්බ හරහා සිරුරෙන් සිරුරට පනිමින් ජාන සංචිතය (Gene pool-ජාන එකතුව) තුල ව්‍යාප්ත වෙනවා මෙන්, මීමය ත් මීම් සංචිතය (Meme pool)  තුල ව්‍යාප්ත වෙනවා මිනිස් මොලයෙන් මොලයට පනිමින්. ඉතා පුලුල් ලෙස සැලකුවොත් මේ මොලයෙන් මොලයට පැනීම සඳහා උදව් වෙන්නෙ අනුකරනය. උදාහරනයක් විදියට විද්‍යාඥයෙක් නව විද්‍යාත්මක න්‍යායක් ගැන කියෙව්වොත් හෝ ඇසුවොත්, ඔහු ඒක බෙදා හදා ගන්නවා තම සිසුන් සහ මිතුරන් සමග. මේ අදහස ගැන ඔහුගේ දේශන සහ පර්යේශන පත්‍රිකා වල සදහන් කරනවා. ඇත්තටම මේ අදහස පිලිගැනීමකට ලක්වුනොත් එය ව්‍යාප්ත වෙනවා මොලයෙන් මොලයට පනිමින්. ඇත්තටම සාරවත් මීමයක් ඔබ මගේ සිතේ තුල තැන්පත්කිරීම මගින් වෙන්නේ මගේ මොලය තුල මීම-අසාදනයක් (Meme infection) ඇති කිරීම, එසේත් නැතිනම් මීම-පරපොෂිතයෙක් ඇතුලු කිරීමයි. මෙසේ සිත් ඇදගන්නා, සමාජීයව අනුමත වන සියලු සංස්කෘතික දැනුම, හරියට වෛරසයක් වගේ එකිනකාගෙන් අනිකාට පැතිරෙනවා. බොබ් මාලිගේ සිංදුවක් ගත්තත්, මොසාට් ගේ හරි බීතොවන් ගේ හරි සංගීත කණ්ඩයක් ගත්තත් ඒක අප අතර පැතිරෙන්නෙ ඒක සාර්තක මීමයක් නිසා.

දෙවියන් වහන්සේ \ අල්ලාහ් ත් මේ වගේ මීමයක්. ඒක මීම පොකුනේ මතු වුනේ කොහොමද කියල හරියටම කියන්න බැරි වුනාට ඒක ඉතාම පැරණි මීමයක්. ඒක ප්‍රතිවලිත වෙන්නේ කොහොමද? කටින් කට පැතිරෙනවා වගේම ශුද්ධවූ පොත්පත්, ලේඛන, විශිෂ්ඨ සංගීතය සහ විශිෂ්ඨ සිත්තම් නිසා.  ඒ මීමයට අනෙක් මීමයන්ට වඩා වැඩි පැවැත්මක් (උන්නති  වටිනාකමක් -Survival Value) ලැබෙන්නේ ඇයි? වෙනත් වචන වලින් කිව්වොත් දෙවියන්\අල්ලාහ් කියන අදහසට මිනිස් සංස්කෘතිය තුල වැඩි ස්ථායි තාවයක් , ලැදියාවක් ලැබෙන්නේ ඇයි?? ඒ අඛණ්ඩ පැවැත්මට ඇති හැකියාව (උන්නති වටිනාකම) දෙවියන් \ අල්ලාහ් කියන මීමයට ලැබෙන්නෙ එහි ඇති සුවිශාල මනෝවිද්‍යාත්මක ආකර්ෂනය නිසා.

දෙවියන් වහන්සේ \ අල්ලාහ් කියන මීමය මෙලොව ඇති අසාධාරන කම්, අයුක්තිසහගත ක්‍රියා එලොවදී නැති කරන්නට පොරොන්දු දෙනවා. වැරදි කාරයන්ට දඩුවම් දෙන්න පොරොන්දු වෙනවා. අපේ පැවැත්ම සහ මරණය ගැන නැගෙන අති සංකීර්ණ ගැඹුරු ප්‍රශ්න වලට නොගැඹුරු, අවිචක්ෂණ, සීනිබෝල- උත්තර දෙනවා. ජීවිතයේ නොයෙක් අවිනිශ්චිත අමිහිරි අවස්තාවලදී අදිසි හස්තයක් අප ආරක්ෂා කරන බව මවාගන්නට උදව්වෙනවා. මේ නිසා තමයි අවුරුදු දහස් ගනණක් තිස්සේ මේ මීමය ඉතා සාර්තකව එකිනෙකාගේ මොල ආක්‍රමනය කරමින් පරම්පරා සිය දහස් ගනණක් තිස්සේ පැතිරෙන්නේ. දෙවියන් \ අල්ලාහ් කියන මීමය මේ තරම් හොඳින් පිටපත් වෙන්නෙත් ඒ නිසා. දෙවියන් \ අල්ලාහ් පවතින්නේ මීමයක් ලෙස , එහි ඉහල ආසාදන අගය, උන්නති අගය හේතුවෙන් මිනිස් සංස්කෘතිය තුල පමණයි.

මෙය ඩෝකින්ස් ගේ Selfish Gene කෘතියේ එන Memes: The new replicators පරිච්ඡේදය ඇසුරෙන් ලියවිණි.


Posted in Biology, Culture, Evolution, Meme, Philosophy, religion, Richard Dawkins, Science | Tagged: , , , , , , , , , , , , , , , | 11 Comments »

දෙවියන් දෙවෙනිවීම

Posted by dawkinssdodo මත මැයි 29, 2010


මානව ජාන ව්‍යාපෘතියේදී whole genome shot gun sequencing යොදා ගනිමින් ඊට පෞද්ගලික අංශයෙන් දායකවූ ක්‍රේග් වෙන්ටර් ලොව පලමු කෘතිම සෛලය නිපදවලා. මේ පුවත පලකල Science සඟරාව පවසන්නේ මෙය ජෛව විද්‍යාවේ නොමැකෙන සංධිස්තානයක් ලකුනු කරනු ඇති බවයි.

කෘතිමව නිපදවනු ලැබූ DNA අනුවක් ධාරක සෛලයකට ඇතුලත් කිරීමයි මෙහෙදී සිදුවී ඇත්තේ.ඉන් පසුව එම සෛලය ඒ කෘතිම DNA අනුවට අනුගත වෙමින් තම පෙනුමත් චර්යාවත් වෙනස් කරගත් බව පැවසෙනව.

සමහරු මීට එරෙහිව මත පල කරමින් මෙහි වඩා අනතුරුදායක පැත්තක් ඇති බව පෙන්වා දෙනවා. ඒ දැනටමත් තුරන් වී ඇති වයිරස මෙන්ම නව ජීව ආයුද නිපදවීමට මේ ක්‍රමය උදව්වක් වන නිසා.

ක්‍රේග් වෙන්ටර් පවසන්නේ, කෘතිමව නිපදවූ DNA අනුවක පාලනයට සෛලයක් සම්පූර්නයෙන් නතුවූ පලමු අවස්තාව මෙය බවයි. ඖෂධ, ඉන්ධන සහ හරිත වායු ප්‍රහාරනයටත් මේ ක්‍රමය යොදාගත හැකි බවයි කියවෙන්නෙ. මේ ක්‍රමය තවත් කාර්මික විප්ලවයකට මඟ පාදනු ඇති බවයි වෙන්ටර් පවසන්නේ.

කෙසේ වෙතත් දෙවියන් මැව්වායයි කියන සෛලවලට වඩා නිවැරදි, ප්‍රයෝජනවත් සෛලයක් මිනිසුන් විසින් නිපදවීම, මිනිසුන් දෙවියන්ට ඇඳීමක් නෙවෙයිද??

Posted in Biology, Cell biology, Evolution, Molecular Biology, Science | Tagged: , , , , , , | 5 Comments »

පැට් කොන්ඩෙල් – The trouble with Islam

Posted by dawkinssdodo මත මැයි 28, 2010

පැට් කොන්ඩෙල් (Pat Condell) ලන්ඩනයේ ප්‍රහසන වේදිකාවේ නමක් තියෙන චරිතයක්, ලේඛකයෙක් විතරක් නෙවෙයි, අන්තර්ජාලයේත්, යු ටියුබ් වලත් අතිශයින් ප්‍රසිද්ධියට පත් පුද්ගලයෙක්. ඔහු සියලු ආගම් විහිලුවට ලක්කරන්නෙක්. දෙවියන් වහන්සේ, බයිබලය, මැවුම්වාදය, දේව විශ්වාසය නිරතුරුව ඔහුගේ උපහාසයට ලක් වෙනවා. 2007 දී ඔහු යූ ටියුබ් හි මහබ්‍රිතාන්‍යයේ වැඩිම දායකත්වයක් ඇති අය අතරට එක්වුනා. කොන්ඩෙල්ගේ විඩියෝ වල අනෙක් ලක්ෂනය නම් කිසිම කරුනක් නිසා ප්‍රකාශනයේ නිදහස, විවේචනයට ඇති අයිතිය පාවාදීමට සූදනම් නැති , ඒවෙනුවන් හැම විටම හඬක් නඟන ප්‍රහසන කලාකරුවෙක් වීමයි.

කොන්ඩෙල්ගෙ ඒක පුද්ගල ප්‍රහසනාත්මක විඩියෝ වල එකතුවක් රිචඩ් ඩෝකින්ස් ජාලය (Richard Dawkins.net) විසින් ඩීවීඩී තැටියක් ලෙස නිකුත් කලා 2008 දී. ශරියා නීතිය මහාබ්‍රිතාන්‍යයට හඳුන්වා දීමට එරෙහිව නිර්මිත ඔහුගේ විඩියෝවක් (Welcome to Saudi Briton) යූ ටියුබ් බලදාරීන් විසින් ඉවත් කලත් රසිකයින් විසින් දහස් ගනනින් එහි ඡායා-විඩියෝ යු ටියුබ් හි ප්‍රදර්ශනය කිරීම නිසා ඉතා කෙටි කලක් තුල තම තීරණය වෙනස් කරමින් එම විඩියෝව නැවත ඇතුලත් කිරීමට යූ ටියුබ් බලදාරීන්ට සිදුවුනා.

යුරෝපයේ සිදුවන ඉස්ලාම්කරනයට, හිජාබ්කරනයට සහ යුරෝපීය වටිනාකම් අභිබවා ඉස්ලාමයට තැනක්, ගෞරවයක් ලැබිය යුතු යැයි නිරන්තරයෙන් ප්‍රචාරකවාදී ඉස්ලාම්යෙන් නැගෙන කන්කෙඳිරියට දුන් අපූරු උත්තරයක් මේ – The trouble with Islam.

http://store.richarddawkins.net/products/pat-condell-anthology

http://richarddawkins.net/

Posted in Atheism, Culture, Evolution, Freedom of expression, religion | Tagged: , , , , , , , , , | 3 Comments »

ඉස්ලාමයේ අවිද්‍යාත්මක අභියෝගය

Posted by dawkinssdodo මත මැයි 27, 2010

ඉස්ලාමය ආගමක් පමනක් නොවේ. එය ජීවන අචාර දර්ම පද්දතියක්, එදිනෙදා ජීවත්වන ක්‍රමයක් බව මුස්ලිම්මු අපට කියනව. නොකියන දේකුත් තියෙනව. ඉස්ලාමය දේශපාලනමය ඉලක්ක සහිත දර්ශනයක්.
ජීව විද්‍යාව, පරිණාමය සාකච්චා කරන මෙහි ඉස්ලාමය වෙනුවන් ඉඩක් වෙන් කරන්නේ නොකරම බැරි නිසයි.  ඉස්ලාමය, කුරානය සහ හඩිත් ඉතාම විද්‍යාත්මක හරබර, සමහර විට විද්‍යාවෙන් සොයා නොගත් කරුනු පවා අන්තර්ගත මහා විශ්වකර්ම ආගමක් සහ ආගමික පොතක් බවට ලෝකය පුරා මතයක් පැතිරෙනවා.  ඒ අතරම ඩාවින් සහ පරිණාමවාදය “වාදයක්” පමනයි, එය ඔප්පුකරල නැහැ, එය “විද්‍යාත්මක සාධකයක් නොවේ” වගේ  මත පතුරුවන අය අතර පෙරමුනේ ඉන්නෙත් ඉස්ලාමය, කුරානය සහ හඩිත් වල තියෙන අවිද්‍යාත්මක, සාමාන්‍ය දැනුමටමත් නොගැලපෙන කරුනු විද්‍යාවට ඈඳන්න ගිහිල්ල වැඩේ අනා ගත්ත අය. මේ ප්‍රචාරකවාදී ඉස්ලාමය බොහෝ අවිද්‍යාත්මක කරුනු විද්‍යාත්මක කරමින් සිටින යුගයක්. මේ ලිපිය ලියවෙන්නේ ආගමකට පහර ගැසීමට වඩා වැරදි, අවිද්‍යාත්මක මත ප්‍රචරය කරන ප්‍රචාරකවාදී ආගම් සියල්ල ගැන සිංහල පාඨකයා දැනුවත් කිරීමටයි. ඒවගේම ප්‍රකාශනයේ නිදහස පමනක් නොවෙයි, මූලික මිනිස් අයිතිවාසිකම්, විවේචනය කිරීම, ආදිය එක් ආගමික මතවාදයක්ට යට කරන්නට හෝ එක් ආගමික මතවාදයක් සුවිශේෂි යයි සලකා ඊට වෙනස් ආකාරයකට සලකන්නට බැහැ. එය සැබැවින්ම අභියෝගයක් නම් එහිදී නොපැකිලව පැත්තක් ගන්න අපි සූදානම්.


පහල විඩියෝවෙන් පෙන්වන්නේ රිචඩ් ඩෝකින්ස් ඉස්ලාමයේ ශරියා නීතිය යටතේ ඉස්ලාමය හැරයන්නෙකුට දෙන දඬුවම ප්‍රශ්නකල අවස්තාවක්.
බලන්න විනාඩි 6- තත්පර 44 සිට

Posted in Atheism, Culture, Evolution, Freedom of expression, religion, Science | Tagged: , , , , , , | 1 Comment »

මිහිපිට සුවිශාලතම සංදර්ශනය – Dawkins’s New Book

Posted by dawkinssdodo මත දෙසැම්බර් 28, 2009



මිහිපිට සුවිශාලතම සංදර්ශනය අන් කිසිවක් නොව විවිධාකාරවූද, සංකීර්ණවූද, ගිනිය නොහැකිවූද, එහෙත් සුන්දර නානාවිදවු ලෝකය පුරා පැතිර පවත්නා ජීවයයි. අහස, ජලය, ගොඩබිම ආදිය වසා පැතිරුන ලොකු, කුඩා, විවිධ ජීවී විශේෂයන්ගේ නොනවතින පැවැත්මයි. එලෙස ජීවය පවත්නේ අන් කිසිවක් නිසා නොව ස්වභාවික වරණය තුලින් ජීවය පරිණාමය වීම නිසායි.  මේ පොත පරිණාමය සඳහා වන සාක්ෂි ගැනයි. පරිණාමය තවදුරටත් හිතලුවක් නොව සිය දහස්වාරයක් නොයෙකුත් විද්‍යාත්මක ක්ශෙත්‍ර තුල නැවත නැවත ඔප්පු වූ විද්‍යාත්මක සාධකයක් බව අප හැම දනිමු.  මෙවැනි පොතක අවශ්‍යතාව තදින් දැනෙන්නේ ඇයි? උදාහරනයක් ලෙස ඇමරිකාවේ ජනගහණයෙන් 40% අදටත් පරිණාමය පිලිනොගන්නා අතර ලෝකය අවුරුදු 10,000 කට මෙපිටදී “නිර්මාණය” කල එකක් බව විශ්වාස කරයි. එය ඇමරිකානු විද්‍යා අධ්‍යාපනික ක්ශේත්‍රය ලැජ්ජාවට පත්කරන්නකි. මේ ජනගහණයෙන් බහුතරය පරිණාමවාදය සඳහා වන සාක්ෂි ගැන දැනුවත් වුයේ නම් මෙවැනි දේ විශ්වාස නොකරනු ඇත. මේ පොතේ ඉලක්කය පාඨකයින් වෙත පරිණාමවාදය සඳහා වන සාක්ෂි ගෙනහැර පෑමයි.

ඩාවින් දැන සිටි, ගෘහස්තකරණය කරන ලද හීලෑ (domesticated) සතුන්ගෙන්- කෘත්‍රිම වරණයෙන් ලැබෙන සාක්ෂි දෙස බලන්න. බල්ලන්ගේ සිට ගෝවා ගෙඩිය දක්වාත් ඌරන්ගේ සිට හරකුන් දක්වාත් කෘතිම වරණය තුලින් විශාල  වෙනස්කම් ඉතා සුලු කාලයක් තුල ජනනය කිරීමට අප සමත්විය. අවුරුදු සියයක් හෝ අවුරුදු දහසක් යනු ජීවයේ ආරම්භයත් වර්තමානයත් අතර කාලය සලකන විට අසුරු සැනකි. මේ සා තරම් විශාල වෙනස්කම් අවුරුදු දෙතුන් සීයකින් ඇතිකල හැකිනම් අවුරුදු මිලියන 10ක් හෝ 100ක් තුල කෙතරම් විශාල වෙනස්කම් ජීවය තුල ජනනය විය හැකිද? පරිණාමයේදී අප කතා කරන්නේ එවැනි කාලාන්තරයක් ගැනයි. අප එවැනි කාලපරාසයක් තුල පරිණාමය සිදුවූ බව විශ්වාස කරන්නේ විකිරණශීලි කාල නිර්ණය (radioactive dating) ආදී ණූතන තාක්ෂනයෙන් ෆොසිල (Fossil-ජෛව පාෂාණ ධාතු ) වල වයස නිර්ණය කිරීමෙන්. ෆොසිල යනු පරිණාමය සඳහා වන සාක්ෂි අතරින් එක් වැදගත් සාක්ෂියකි. අණුක තලයේ (molecular level) සතුන් අතර සංසන්දනයන්, සතුන්ගේ නූතන භූගෝලීය පැතිරීම, පරිණාමය සිදුවූයේ නම් සතුන් පැතිරී සිටිය යුතු යැයි ඔබ අපේක්ෂා කරන ස්තාන වල ඇත්තටම එවැනි සතුන් හමුවීම, සතුන් අතර සහ-සම්බන්දතාවයන්, ඔවුන් තුල ඇති ජානමය අණු- ප්‍රෝටීන ආදිය ඇත්තෙන්ම පරිණාමය සිදුවුයේ නම්  ඔබ අපේක්ෂා කරන ආකාරයෙන් පැවතීම ආදිය ෆොසිල වලටත් වඩා වැදගත් සාක්ෂි වේ. ඇත්තෙන්ම අද ලෝකය පුරා ජීවය පැතිර පවතින ආකාරයන් ඇතිවිය හැක්කේ පරිණාමය සත්‍ය නම් පමණි.
රිචඩ් ඩෝකින්ස් ඔහුගේ නව පොත (Greatest Show on Earth) අරබයා කරන ලද හැඳින්වීමක සිංහල පරිවර්තනයකි.

http://www.youtube.com/user/richarddawkinsdotnet

Posted in Biology, Cell biology, Evolution, Molecular Biology, religion, Richard Dawkins, Science, Transitional fossil | Tagged: , , , , , , , , | 1 Comment »

The Greatest Show on Earth: The Evidence for Evolution

Posted by dawkinssdodo මත ජූලි 22, 2009



1859 දී මුද්‍රණයෙන් පිටවූ චාල්ස් ඩාවින් ගේ “On the Origin of Species”, නැමැති සුප්‍රසිද්ධ නිර්මාණය මුලු මහත් සමාජයකම පදනම් , විශ්වාස එහි අක් මුල් වලින්ම වලින්ම දෙදරවා හැරි කෘතියක්. තම පරිණාමවාදී න්‍යාය නිසා ඇතිවිය හැකි කලබගෑනිය, ප්‍රකෝපකාරී ප්‍රතිචාරය ගැන ඩාවින් හොඳින් දැන සිටි මුත් අඩ සිය වසකට පසුවත් මේ පිලිබඳ තාමත් පවතින විසංවාද, මත ගැටුම් දුටුවේ නම් ඩාවින් ඇත්තෙන්ම පුදුමයට පත් වනු නොඅනුමානයි. පරිණමවාදය විද්‍යාත්මක සාධකයක් (scientific fact) ලෙස ලොව පුරා විසිරුනු විශිෂ්ඨ විද්‍යාඥයින් සියලු දෙනා පමනක් නොව දෙවධර්මාචරීන්ද අවිවාදයෙන් පිලිගන්නා කරුනක්. එහෙත් අවාසනාවකට මිනිසුන් මිලියන ගනණාවක් තාමත් පරිණාමවාදයේ වලංගු බව ප්‍රශ්න කරනවා. ඩෝකින්ස්ගෙ අලුත්ම පොතෙන් සුපිරි නිර්මානය පසු පස යන්නන් සහ ස්වභාවික වරණය හරහා වන පරිණාමය ප්‍රශ්න කරන්නන් ට හොඳින් උත්තර දෙනවා. හරියටම අපරාධයක් පසු පස ලුහු බඳින රහස් පරීක්ශකයෙක් මෙන් නොයෙකුත් ආකාරයේ විද්‍යාත්මක සාධක ස්තර ගනනාවක් තුලින් ඔබ ගෙන යමින් ඔහු ගොඩනගන මතවාද තර්ක ඇත්තෙන්ම යකඩින් නිමවූ කුඩුවක් මෙන් ශක්තිමත්. දැනටත් කුරුල්ලන් සහ කෘමීන් තුල දක්නට ලැබෙන ස්වභාවික වරණයේ සාක්ෂි, පරිණාමය හා අත්‍යවශ්‍යයෙන් බැඳුනු විකිරණශීලී කාල නිර්නය මගින් පරිනාමික කාල පරාසයන් නිර්ණය ආදියේ සිට අනුක ජීව ජිද්‍යාව සහ ජාන විද්‍යාව මගින් පරිණාමය කිසිදු සැකයකින් තොරව තහවුරු වන ආකාරය ආදි නව විද්‍යා දැනුම් සම්භාරයක් ඔබ හමුවේ දිග හැරෙනු ඇත. “The Greatest Show on Earth”, මුද්‍රණයෙන් නිකුත්වන්නේ එවැනි පොතක අවශ්‍යතාව තදින්ම දැනෙන යුගයක බව රහසක් නොවේ. සංවිධානාත්මක ලෙස පරිණාමයට එරෙහි මතවාදයක් විශේෂයෙන්ම ඇමරිකාව තුල ගොඩනැගෙමින් තිබේ. ලෝකය පුරා පාසැල් තුල විද්‍යාවට හිමි තැන අහිමි කිරීමේ සැඟවුනු ප්‍රයත්නයන් එලිදකිමින් තිබේ. මේ බහුබූත- විකාර තර්ක සුනු විසුනු කර දමිය හැකි ආකාරයේ අසම-සම ශක්තිමත් විද්‍යාත්මක සාක්ෂි රැසක්, රිචඩ් ඩෝකින්ස් ඔබ හමුවේ තබයි. ස්වාභාවික ලෝකය ගැන ඇති ආදරයත්, විද්‍යාව එය අර්තකතනය කිරීමෙහි ලා රඟන අත්‍යාවශ්‍ය භූමිකාවත්, තම පාඨකයන් හා බෙදා හදා ගනී.

( http://richarddawkins.net/thegreatestshowonearth හි පලවූ ඉංග්‍රීසි ලිපියක සිංහල පරිවර්තනයකි.)

The Greatest Show on Earth සැප්තැම්බරයේ නිකුත්වේ

Reviews

“This is a magnificent book of wonderstanding: Richard Dawkins combines an artist’s wonder at the virtuosity of nature with a scientist’s understanding of how it comes to be.”
—Matt Ridley, author of Nature via Nurture.

“‘There is a grandeur in this view of life,’ said Darwin, speaking of evolution. There is no one better qualified to convey this grandeur than his worthy successor, Richard Dawkins, who writes with passion, clarity, and wit. This may be his best book yet.”
—V. S. Ramachandran

“To call this book a defense of evolution utterly misses the point: The Greatest Show on Earth is a celebration of one of the best ideas humans have ever produced. It is hard not to marvel at Richard Dawkins’s luminous telling of the story of evolution and the way that it has shaped our world. In reading Dawkins, one is left awed at the beauty of the theory and humbled by the power of science to understand some of the greatest mysteries of life.”
—Neil Shubin, author of Your Inner Fish

“Up until now, Richard Dawkins has said everything interesting that there is to say about evolution — with one exception. In The Greatest Show on Earth, he fills this gap, brilliantly describing the multifarious and massive evidence for evolution–evidence that gives the lie to the notion that evolution is “only a theory”. This important and timely book is a must-read for Darwin Year.”
—Jerry Coyne, author of Why Evolution is True

“Whether or not you accept evolution, you will understand it after reading Dawkins’s clear and fresh presentation of Evolution 101. His ability to explain science through choice analogies and metaphors (embryology as origami!) make accessible the newest research from paleontology to molecular biology, all the while capturing—and expressing—the excitement of the rapidly expanding field of evolutionary biology.”
—Eugenie C. Scott, Executive Director, National Center for Science Education

Look out, creationists. There’s a new sheriff in town, and he talks like an Oxford don … The author opens with guns a-blazing … (and) writes with terrific wit and considerable learning, but what is interesting here is his fire … Without the strictures of academia he relishes the opportunity to light into his opponents. Whether anyone will stand up to refute his notions remains to be seen, but for now Dawkins wins on points. A pleasure in the face of so much scientific ignorance – biology rendered accessible and relevant to the utmost degree .
—Kirkus Review

Posted in Biology, Charles Darwin, Evolution, Fossil evidence, Molecular Biology, Richard Dawkins, Science, Transitional fossil | Tagged: , , , , , , | 2 Comments »

කෙන් මිලර්, සුපිරි නිර්මාපකයා සහ ඩෝවර් පාසැල

Posted by dawkinssdodo මත මැයි 8, 2009


පෘතුවිය මත අප දකින ජීවය පරිණාමයේ ප්‍රතිපලයක් පමණක් නොව සුපිරි බුද්ධියක හෝ සුපිරි නිර්මාපකයෙක්ගේ (Intelligent Designer) බවට මතයක් ගොඩනැගෙනවා ඇමරිකාවේ (1990-2005). මේ මතයට එකඟ වන උගත් ජීව විද්‍යාඥයින් පිරිසක් ඉතාම තාර්කික සහ විද්‍යාත්මක යැයි හැගෙන පසු බිමක් තුල මේ මතය තව තවත් වර්ධනය කරනවා ජීව විද්‍යාත්මක අර්තකතන දෙමින්. මේ සදහා බරපැන දරන්නේ ඩිස්කවරි ඉන්ස්ටිටියුට් (Discovery Institute) නම් ක්‍රිස්තියානි ආයතනයක්. of pandas and people, darwins black box මේ සම්බන්ද්යෙන් නුකුත් වූ පොත් කිහිපයක්.

Irreducible complexity – පරිපූර්න සංකීර්ණත්වය (වඩා හොඳ සිංහල යෙදුමක් අවශ්‍යයි ) මේ “මැවුම් විද්‍යා” කඳවුරෙන් ඉදිරිපත්කල එක් අභියෝගාත්මක මතයක්. මයිකල් බිහිගේ පුරෝගාමීත්වයෙන් ඉදිරිපත් වූ මේ මතයෙන් කියවෙන්නේ ” අත්‍යාවශ්‍ය ඒකක කීපයක් එක් වීමෙන් ගොඩනැගුන සංකීර්ණ ජීව විද්‍යාත්මක පද්දතියක් එහි උප කොටස් එකක් හෝ ඉවත් කල විට එහි නියම ජීව විද්‍යාත්මක ක්‍රියාවලිය කිරීමට අපොහොසත් බව” යි. බිහි මෙහිදී උදහරනයක් ලෙස යොදා ගන්නව මී කතුර. මී කතුරෙ එක් උප කොටසක් ගැලවුවහොත් එය වැඩ කරන්නේ නැහැ. ඒවගේම ස්වභාවික වරණයෙන් ජීවින් පරිනාමය වන්නට විදිහක් නැහැ, ඇයි? ජීව විද්‍යාත්මක පද්දතියක් පරිණාමය වන්නට බැහැ. එය එහි කාර්යය නියමාකාරයෙන් ඉටුකරන්නේ සියලු උපකොටස් ඇති විට පමණක් නිසා, පරිණාම ක්‍රියාවලියේ එන අතරමැදි අවස්තාවලට පැවැත්මක් නැහැ.

නමුත් මෙහි මුලික තර්කයම වැරදියි. මේ මතයෙන් අනුමානය කෙරෙන්නේ ජීවී පද්දතියක “අත්‍යාවශ්‍ය” යැයි කියන කොටස් සෑම අවස්තාවකමටම පරිනාමීය කාලය පුරාවටම අත්‍යාවශ්‍ය බවයි.මේක ඇත්තක් නම්, අනුක්‍රමික වශයෙන් කොටස් පරිනාමිකව “දියුනු”(වෙනස්)වෙන්න බැහැ තමයි. නමුත් පරිණාමයේදි පෙරහනක් ලෙස ක්‍රියා කරන්නේ පරිසරයයි. වෙනස්වන තත්ව අනුව අවශ්‍යතා වෙනස් වෙනව. එතනදී නව අවශ්‍යතාවන්ට හොඳින්ම අනුවර්තන තිබෙන ජීවියා / පද්දතිය වඩා වාසි දායක තැනක ඉන්නව තම ජාන ඊලඟ පරම්පරාවට ගෙනයන්න.

මේ නිසාම මේ මැවුම්වාදී මතය නිර්-ආගමික විද්‍යාඥයින්ගේ සහ පලමු පංතියේ විද්‍යා සංගම් කිහිපයකගේ විහිලුවට ලක්වෙනව “මැවුම් විද්‍යාව” (Creation science ) හෝ “සාවද්‍ය විද්‍යාව” (Pseudo science) ලෙස.

මේ අතර ඩෝවර් හි පැසැල් අධිකාරිය මේ සුපිරි නිර්මාපකය ගැන විද්‍යා විෂයක් ලෙස උගන්වන්නට තීරනය කරනවා පරිණාමයට විකල්ප මතවාදයක් ලෙස. සිසුන්ගේ දෙමාපියන් මීට විරුද්ධව උසාවි යනව (2005).

කෙන් මිලර් මේ නඩුවේදී පරිණාමයට එරෙහිව ගෙන එන සියලු දුර්මත පරාජය කරනවා පමනක් නෙවෙයි, අප හා චිම්පන්සින් අතර ඇති අණුක ජීව විද්‍යත්මක සබඳතාවය ඔප්පු කර පෙන්වනවා. කෙන් මිලර් ගේ මේ විග්‍රහය රැගත් විඩියෝ පටය තරම් මැවුම්වාදීන් වෛර කරන තවත් යමක් නැහැ.



මේ පිලිබඳ ඉතාම හොඳ වාර්තාමය චිත්‍රපටයක් නිපදවා තිබෙනව පී බී එස් නොවා (The judgement day Intelligent designer on trial -PBS NOVA)– මගින්.

Posted in Biology, Cell biology, Charles Darwin, Evolution, Fossil evidence, religion, Science | Tagged: , , , , , , , | 5 Comments »