Dawkins's dodo|ඩෝකින්ස්ගෙ ඩෝඩෝ

Richard Dawkins, Evolution, Biology and Religion|පරිණාමය, ජීව විද්‍යාව සහ ආගම

අධිෂ්ඨානයේ මිනිස්සු.

Posted by dawkinssdodo මත සැප්තැම්බර් 25, 2012


මෙවැනි සටහනක් තබන්නට සිදුවනු ඇතැයි ඩෝ ඩෝ බලාපොරොත්තු වූයේ නැත. එහෙත් මීට පෙරද ඒ ශික්ෂණය, විනය අවශ්‍ය අවස්ථාවලදී බිඳ හෙළන්නට ඩෝඩෝ පසු බට වීද නැත.

FUTA සභාපති, ආචාර්ය නිර්මාල් රංජිත් දේවසිරි ඩොඩෝ කවදාවත් හමුවී නැත. ඩෝඩෝ රීඩ් මාවතෙන් විද්‍යා පීඨයට ඇතුල් වන විට නිර්මාල් බයිසිකලයක් පැදගෙන කළා පීඨයට ඇතුල්වනු ඩෝඩෝ දැක තිබේ. නිර්මාල් ගේ දේශපාලනය ගැන එකඟතාවයක් ඩෝ ඩෝට එදත් තිබුණේ නැත, අදත් නැත. නිර්මාල් ආචාර්ය උපාධිය ලබාගත්තේ නෙදර්ලනත්යේ සුප්‍රසිද්ධ විශ්ව විද්‍යාලයකිනැයි මැතකදී දැන ගතිමි.

FUTA ප්‍රකාශක, ආචාර්ය දේවක වීරකෝන් නම් ඩෝ ඩෝ ට අමුත්තෙක් නොවේ. ආචාර්ය දේවක ඩෝඩෝ ට “පරිණාමික ව්‍යුහවේදය” ද “සත්ව කායකර්මය” ද ඉගැන්වූවා මතකය. සුප්‍රසිද්ධ ඇමරිකානු විශ්ව විද්‍යාලයකින් “අණුක ජීව ප්‍රතිශක්තිවේදය” පිළිබඳ ආචාර්ය උපාධියක් සතු දේවක ලංකාවේදී පර්යේෂණ කරන්නේ අලි-මිනිස් ගැටුම ගැනය. දේවක නම් වලියට බර පොරක් නොවේ.

අරගලයක් කිරීමෙහි ඇති අභියෝගය දන්නේ අරගල සංවිධානය කල, ඊට මුහුණ දුන් මිනිසුන්ය. විවිධ මත දරන්නවුන් එක මතයක් වෙනුවෙන් ඒකරාශී කිරීම, සංවිධානය කිරීම පහසු කටයුත්තක් නොවේ. අරගල කිරීමෙහි ප්‍රති විපාක බොහෝ විට සුන්දර ඒවා නොවේ. (සුප්‍රසිද්ධ කොලේජ් හවුසියේ උප-කුලපති කාර්යාලයට කැඳවා කන් පිරෙන්නට උප-කුලපති ගෙන් අසාගත් වාර ගණන එකකට වැඩි බව ඩෝඩෝට මතකය.)

ලංකාවේ අධ්‍යාපනයේ සිදුව ඇති කඩා වැටීම විග්‍රහ කිරීමට අමුතුවෙන් අටුවා ටීකා ටිප්පණි කීම අනවශ්‍යය. පවතින ක්‍රමය තුළ අධ්‍යාපනයට ප්‍රතිපාදන සැපයීම කල යුත්තේ රජයෙනි. රජයේ ප්‍රතිපාදන වෙන්කරන අනෙක් අංශ හා සසඳා බැලූ කල මෙවැනි අරගලයක් සාධාරණීකරණය කල නොහැක්කේ උරග මොලයක් ඇතියෙකුට පමණි.

ඒ අධිෂ්ඨානයේ මිනිසුන්ට ජය!

සහෘද සටහන්.

FUTA
Rear Gate
ඊ මේල් කවිකාරිගේ කතන්දර
Lanka Poster
Cult
kathika
Vikalpa

5 Responses to “අධිෂ්ඨානයේ මිනිස්සු.”

  1. indika27 said

    ඒ මිනිසුන්ට දිරියක් වන්නට සිසුන්ට සහ සමස්ථ සමාජය නොහැකිවීම ගැටලුවක්..

  2. තනි අලියා said

    සාමාන්‍යයෙං අයියෙ අපේ හුරතල් පුතාලට කාල බීල බුදියන්න තියනවනං උන්ට වෙන මොන රෙද්දක් තිබීමෙන් සත පහක වැඩක් නෑ! උන්ට උං ජීවත්වෙල පොඩි පරාසය අැරුණම වෙන ලෝකයක් තියනව කියල දන්නෙත් නෑ. ඉතිං යුනියක ලෙක්චරර් කෙනෙක් යන ගමනක කටුකකම ගැන මුංට අවබෝධෙකුත් නෑ. උන්ට ඉතිං උංගෙ බඩට කාල දොයියන්න තියනවනං එ්ක තමා උංගෙ අාතල් එක! ඉතිං එහෙම ගොන්නුන්ට පවතින් තත්වය හෙණ හොඳයි!

    ඔහොම උං ගහල පැන්නීම සාමාජයීය අවශ්‍යතාවයකි!

  3. Ra said

    මේවගේ උද්ගෝෂණයක් අවසාන වෙන්න ඕනි දෙපාර්ශවයම දිනන (win-win) ලෙසයි. එහෙම දෙයක් වෙන්න යන බවක් මට නම් පේන්නේ නැහැ.

  4. Maathalan said

    හිතපු තරම් සාර්ථක නෑ. දිග්ගැසීමෙන් ආන්ඩුව කරන්නේ අරගල්යේ රශ්නය අවම කිරීමයි. පඩි වැඩි උනත් අනිත් දේවල් නම් කිසිසේත් ලැබෙන එකක් නෑ. නමුත් ඔබ කීවාක් මෙන්. මේ අරගලය අගය කළ යුතුමයි..

  5. ජය!

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

 
%d bloggers like this: