Dawkins's dodo|ඩෝකින්ස්ගෙ ඩෝඩෝ

Richard Dawkins, Evolution, Biology and Religion|පරිණාමය, ජීව විද්‍යාව සහ ආගම

කෙන් මිලර්, සුපිරි නිර්මාපකයා සහ ඩෝවර් පාසැල

Posted by dawkinssdodo මත මැයි 8, 2009



පෘතුවිය මත අප දකින ජීවය පරිණාමයේ ප්‍රතිපලයක් පමණක් නොව සුපිරි බුද්ධියක හෝ සුපිරි නිර්මාපකයෙක්ගේ (Intelligent Designer) බවට මතයක් ගොඩනැගෙනවා ඇමරිකාවේ (1990-2005). මේ මතයට එකඟ වන උගත් ජීව විද්‍යාඥයින් පිරිසක් ඉතාම තාර්කික සහ විද්‍යාත්මක යැයි හැගෙන පසු බිමක් තුල මේ මතය තව තවත් වර්ධනය කරනවා ජීව විද්‍යාත්මක අර්තකතන දෙමින්. මේ සදහා බරපැන දරන්නේ ඩිස්කවරි ඉන්ස්ටිටියුට් (Discovery Institute) නම් ක්‍රිස්තියානි ආයතනයක්. of pandas and people, darwins black box මේ සම්බන්ද්යෙන් නුකුත් වූ පොත් කිහිපයක්.

Irreducible complexity – පරිපූර්න සංකීර්ණත්වය (වඩා හොඳ සිංහල යෙදුමක් අවශ්‍යයි ) මේ “මැවුම් විද්‍යා” කඳවුරෙන් ඉදිරිපත්කල එක් අභියෝගාත්මක මතයක්. මයිකල් බිහිගේ පුරෝගාමීත්වයෙන් ඉදිරිපත් වූ මේ මතයෙන් කියවෙන්නේ ” අත්‍යාවශ්‍ය ඒකක කීපයක් එක් වීමෙන් ගොඩනැගුන සංකීර්ණ ජීව විද්‍යාත්මක පද්දතියක් එහි උප කොටස් එකක් හෝ ඉවත් කල විට එහි නියම ජීව විද්‍යාත්මක ක්‍රියාවලිය කිරීමට අපොහොසත් බව” යි. බිහි මෙහිදී උදහරනයක් ලෙස යොදා ගන්නව මී කතුර. මී කතුරෙ එක් උප කොටසක් ගැලවුවහොත් එය වැඩ කරන්නේ නැහැ. ඒවගේම ස්වභාවික වරණයෙන් ජීවින් පරිනාමය වන්නට විදිහක් නැහැ, ඇයි? ජීව විද්‍යාත්මක පද්දතියක් පරිණාමය වන්නට බැහැ. එය එහි කාර්යය නියමාකාරයෙන් ඉටුකරන්නේ සියලු උපකොටස් ඇති විට පමණක් නිසා, පරිණාම ක්‍රියාවලියේ එන අතරමැදි අවස්තාවලට පැවැත්මක් නැහැ.

නමුත් මෙහි මුලික තර්කයම වැරදියි. මේ මතයෙන් අනුමානය කෙරෙන්නේ ජීවී පද්දතියක “අත්‍යාවශ්‍ය” යැයි කියන කොටස් සෑම අවස්තාවකමටම පරිනාමීය කාලය පුරාවටම අත්‍යාවශ්‍ය බවයි.මේක ඇත්තක් නම්, අනුක්‍රමික වශයෙන් කොටස් පරිනාමිකව “දියුනු”(වෙනස්)වෙන්න බැහැ තමයි. නමුත් පරිණාමයේදි පෙරහනක් ලෙස ක්‍රියා කරන්නේ පරිසරයයි. වෙනස්වන තත්ව අනුව අවශ්‍යතා වෙනස් වෙනව. එතනදී නව අවශ්‍යතාවන්ට හොඳින්ම අනුවර්තන තිබෙන ජීවියා / පද්දතිය වඩා වාසි දායක තැනක ඉන්නව තම ජාන ඊලඟ පරම්පරාවට ගෙනයන්න.

මේ නිසාම මේ මැවුම්වාදී මතය නිර්-ආගමික විද්‍යාඥයින්ගේ සහ පලමු පංතියේ විද්‍යා සංගම් කිහිපයකගේ විහිලුවට ලක්වෙනව “මැවුම් විද්‍යාව” (Creation science ) හෝ “සාවද්‍ය විද්‍යාව” (Pseudo science) ලෙස.

මේ අතර ඩෝවර් හි පැසැල් අධිකාරිය මේ සුපිරි නිර්මාපකය ගැන විද්‍යා විෂයක් ලෙස උගන්වන්නට තීරනය කරනවා පරිණාමයට විකල්ප මතවාදයක් ලෙස. සිසුන්ගේ දෙමාපියන් මීට විරුද්ධව උසාවි යනව (2005).

කෙන් මිලර් මේ නඩුවේදී පරිණාමයට එරෙහිව ගෙන එන සියලු දුර්මත පරාජය කරනවා පමනක් නෙවෙයි, අප හා චිම්පන්සින් අතර ඇති අණුක ජීව විද්‍යත්මක සබඳතාවය ඔප්පු කර පෙන්වනවා. කෙන් මිලර් ගේ මේ විග්‍රහය රැගත් විඩියෝ පටය තරම් මැවුම්වාදීන් වෛර කරන තවත් යමක් නැහැ.



මේ පිලිබඳ ඉතාම හොඳ වාර්තාමය චිත්‍රපටයක් නිපදවා තිබෙනව පී බී එස් නොවා (The judgement day Intelligent designer on trial -PBS NOVA)– මගින්.

5 Responses to “කෙන් මිලර්, සුපිරි නිර්මාපකයා සහ ඩෝවර් පාසැල”

  1. chamiladealwis said

    ඔය කියන්නේ scientology ගැනද? ටිකක් අහලා තියෙනවා එය ගැන… මොනවා වුනත් පාඩු ලබන ආයතනයක් නැවත මාකට් එක අල්ලගන්න කරපු වැඩක් තමයි discovery institute..

  2. dawkinssdodo said

    නැහැ scientology සමග intelligent designer කඳවුරේ සම්බන්දයක් මම දන්න තරමින් නැහැ.

  3. Inteligent Designer යන සංකල්පය අද ඊයෙක ආප සංකලපයක් නෙමෙයි, මේක තමයි බයිබලයේ පලමු පරිච්චේදය වන Genesis පොතේ තිබෙන්නේ.

    Scientology වල හරය ගෙන බැලුවොත් Inteligent Design සංකලපaය විහිලුවට ලක් කර ඇති බව අවබෝධ කරගත හැකියි. එය විද්‍යා ප්‍රබන්ධ රචකයෙකු විසින් රචිත චිත්‍ර කථා පොතක් වටා ගෙතුන ආගමක්. Scientology දී ඇති ආකාරයෙන්ම පිලි නොගත යුතු, බුද්ධියෙන් විමසා හාස්‍ය රසය අවබෝධ කරගත යුතු ආගමක්. මෙවන් වෙනත් ආගම් විහිලුවට ලක් කිරීම උදෙසාම (parodey) නිර්මානය කල Discordiansm වැනි ආගම් තිබෙනවා.

  4. dawkinssdodo said

    Intelligent Design theory එක ආගමික මතවාදයක් විදියට හුඟ කාලෙක ඉඳල තිබුනද කියන්න දන්නේ නැහැ. එහෙත් ඒකට ජීව විද්‍යාත්මක අර්තකතන දීලා ඒක විද්‍යා විෂයට එක් කිරීම ඇරඹුනේ නම් ඔය ඩිස්කවරි ඉන්ස්ටිටියුට් එකේ මූලිකත්වයෙන්.

  5. Shammi said

    OMG,just discovered this! REVELATION!

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

 
%d bloggers like this: